"Manchester Siti" markaziy himoyachisi Ruben Diash YECHLda "Yuventus"dan uchralgan mag‘lubiyatdan (0:2) keyin jamoadagi muammolar haqida gapirdi.
Pep Gvardiola jamoasi barcha musobaqalardagi so‘nggi o‘nta o‘yinning yettinchisida mag‘lub bo‘ldi. “Yuventus” bilan uchrashuv taqdiri ikkinchi bo‘limda, turinliklar ikkita gol urganida hal bo‘ldi.
"Aftidan, hozir raqiblar har safar darvozamizga yaqinlashganda gol urishadi. Ammo aynan shu daqiqalarda biz kuchli bo‘lishimiz, har birimiz xarakter ko‘rsatishimiz kerak. Siz jamoaga ishonishingiz kerak, nima bo‘lishidan qat’iy nazar, ishoning, oldinga intiling. Bu yagona yo‘l. Biz individual va jamoa bo‘lib kuchliroq bo‘lishimiz kerak", dedi Diash.
