"Манчестер Сити" марказий ҳимоячиси Рубен Диаш ЕЧЛда "Ювентус"дан учралган мағлубиятдан (0:2) кейин жамоадаги муаммолар ҳақида гапирди.
Пеп Гвардиола жамоаси барча мусобақалардаги сўнгги ўнта ўйиннинг еттинчисида мағлуб бўлди. “Ювентус” билан учрашув тақдири иккинчи бўлимда, туринликлар иккита гол урганида ҳал бўлди.
"Афтидан, ҳозир рақиблар ҳар сафар дарвозамизга яқинлашганда гол уришади. Аммо айнан шу дақиқаларда биз кучли бўлишимиз, ҳар биримиз характер кўрсатишимиз керак. Сиз жамоага ишонишингиз керак, нима бўлишидан қатъий назар, ишонинг, олдинга интилинг. Бу ягона йўл. Биз индивидуал ва жамоа бўлиб кучлироқ бўлишимиз керак", деди Диаш.
