"Manchester Yunayted" "Bavariya" yarim himoyachisi Konrad Laymerga qiziqish bildirmoqda.
"Qizil iblislar" avstriyalik futbolchini yanvar oyidagi transfer oynasida sotib olish imkoniyatini ko‘rib chiqmoqda, deb xabar beradi Sky Sport.
Transfermarkt portali ma’lumotlariga ko‘ra Konrad Laymerning narxi 30 million yevroni tashkil qiladi. 27 yoshli futbolchining "Bavariya" bilan shartnomasi 2027 yilning o‘rtalariga qadar tuzilgan.
Joriy mavsumda Laymer Vensan Kompani jamoasining barcha musobaqalarda 18ta o‘yinida qatnashib, bitta gol urgan.
