Og‘ir atletika bo‘yicha O‘zbekiston terma jamoasi a’zosi Sarvarbek Zafarjonov Bahraynda o‘tayotgan jahon chempionatida terma jamoamiz hisobiga yana bir medalni taqdim qildi. -89 kg vazn toifasining "A" guruhida qatnashgan polvonimiz bronza medaliga sazovor bo‘ldi.
Sarvarbek dast ko‘tarish mashqida 171 kg natija qayd etib, uchinchi o‘rinni egalladi. Biroq siltab ko‘tarishda 204 kg bilan oltinchi, yakunda 375 kg bilan to‘rtinchi pog‘onadan joy oldi. Hamyurtlarimizning keyingi ishtiroki 14 dekabr sanasiga to‘g‘ri keladi. Unda Ruslan Nurudinov, Sharofiddin Amriddinov hamda Tursunoy Jabborova medallar uchun kurash olib borishadi.
