Yaqinda Chempionlar ligasida umumiy bosqich 6-tur uchrashuvlari bo‘lib o‘tdi. Turnir jadvaliga nazar tashlasangiz, Angliyaning uchta jamoasi kuchli 5 talikdan joy olgan.
Chempionlar ligasi peshqadami hozircha birorta ochko yo‘qotmagan «Liverpul» – Arne Slot shogirdlari olti uchrashuvning barchasida g‘alaba qozongan. «Arsenal» 13 ochko va +9 to‘plar farqi bilan uchinchi o‘rinda bormoqda. Kuchli beshlikni «Aston Villa» yopdi - Birmingem jamoasida +6 to‘plar farqi bilan 13 ochko bor.
21 va 22 yanvar kunlari Chempionlar ligasi umumiy bosqichi yettinchi tur o‘yinlari bo‘lib o‘tadi. Ushbu bosqichning so‘nggi o‘yin kunining o‘yinlari esa 29 yanvar kuni bir vaqtda bo‘lib o‘tadi.
