Яқинда Чемпионлар лигасида умумий босқич 6-тур учрашувлари бўлиб ўтди. Турнир жадвалига назар ташласангиз, Англиянинг учта жамоаси кучли 5 таликдан жой олган.
Чемпионлар лигаси пешқадами ҳозирча бирорта очко йўқотмаган «Ливерпуль» – Арне Слот шогирдлари олти учрашувнинг барчасида ғалаба қозонган. «Арсенал» 13 очко ва +9 тўплар фарқи билан учинчи ўринда бормоқда. Кучли бешликни «Астон Вилла» ёпди - Бирмингем жамоасида +6 тўплар фарқи билан 13 очко бор.
21 ва 22 январь кунлари Чемпионлар лигаси умумий босқичи еттинчи тур ўйинлари бўлиб ўтади. Ушбу босқичнинг сўнгги ўйин кунининг ўйинлари эса 29 январь куни бир вақтда бўлиб ўтади.
