"Manchester Yunayted" hujumchisi Rasmus Xyoylunn Ruben Amorim qo‘l ostida jamoaning o‘yini haqida o‘z fikrlari bilan o‘rtoqlashdi.
Portugaliyalik murabbiy noyabr oyida ishdan bo‘shatilgan Erik ten Xag o‘rniga "qizil iblislar"ni qabul qilib oldi. Payshanba kuni mankunianliklar Yevropa ligasi doirasidagi Chexiyaning "Viktoriya"si ustidan g‘alaba qozonishdi (2:1).
"Bizga ko‘proq vaqt kerak, hukm chiqarishga hali erta. Bu izchillikka erishish haqida, va bu vaqt, amaliyot bilan birga keladi. Bilaman, bu g‘alati tuyuladi, lekin mashg‘ulotlarga vaqtimiz yetarli emas, shuning uchun o‘yinlarda ko‘p narsa ustida ishlashimiz kerak. O‘yinimiz har safar yaxshilanib boradi", - dedi Rasmus.
