"Манчестер Юнайтед" ҳужумчиси Расмус Хёйлунн Рубен Аморим қўл остида жамоанинг ўйини ҳақида ўз фикрлари билан ўртоқлашди.
Португалиялик мураббий ноябрь ойида ишдан бўшатилган Эрик тен Хаг ўрнига "қизил иблислар"ни қабул қилиб олди. Пайшанба куни манкунианликлар Европа лигаси доирасидаги Чехиянинг "Виктория"си устидан ғалаба қозонишди (2:1).
"Бизга кўпроқ вақт керак, ҳукм чиқаришга ҳали эрта. Бу изчилликка эришиш ҳақида, ва бу вақт, амалиёт билан бирга келади. Биламан, бу ғалати туюлади, лекин машғулотларга вақтимиз етарли эмас, шунинг учун ўйинларда кўп нарса устида ишлашимиз керак. Ўйинимиз ҳар сафар яхшиланиб боради", - деди Расмус.
