"Manchester Siti" bosh murabbiyi Pep Gvardiola afsonaviy basketbolchi Maykl Jordanning "Chikago Bullz"dan ketishi misolidan foydalanib, "shaharliklar" uchun Rodrini yo‘qotish ahamiyatini qayd etdi. Chikagoning barcha oltita chempionatdagi g‘alabasi Jordan o‘ynagan paytda qo‘lga kiritilgan.
Sentyabr oyida 2023/24 yilgi mavsumda "Oltin to‘p"ni qo‘lga kiritgan "Manchester Siti"ning ispaniyalik yarim himoyachisi tizzasida oldingi xoch buragi yirtilgani tashxisi qo‘yilgan edi.
"Bu mavsumda biz "Oltin to‘p" sohibisiz va Angliyada o‘tgan mavsumning eng yaxshi futbolchisisiz o‘ynayapmiz. Albatta oson emas. "Chikago Bullz" Maykl Jordan bilan oltita NBA chempionligini qo‘lga kiritdi, to‘g‘rimi? Jordan faoliyatini yakunlaganidan keyin ular qancha sovrin yutgan? Biz optimal tarkibga qaytishimiz bilan yana kuchli bo‘lamiz" - dedi Gvardiola matbuot anjumanida.
Eslatib o‘tamiz, so‘nggi o‘nta o‘yinda “Manchester Siti” yetti marta mag‘lubiyat alamini totib ko‘rgan holda, faqat bitta g‘alabaga erishdi.
