«Milan» tez orada Mayk Menyan va Teyani Reynders bilan shartnomani uzaytiradi.

«La Gazette Dello Sport» xabariga ko‘ra, so‘nggi haftalarda futbolchilar bilan muzokaralar sezilarli darajada tezlashgan va tomonlar deyarli to‘liq kelishuvga erishgan. Oxirgi bosqich qoldi, unda barcha shartlar, jumladan, bonuslar ko‘rsatiladi.

Menyanning amaldagi shartnomasi 2026 yilning iyunida tugaydi. Darvozabonning yangi shartnomasi 2029 yilgacha mo‘ljallangan bo‘lib, uning maoshi hozirgi 3,2 dan 5 million yevroga ko‘tariladi. Unga bonuslar ham qo‘shiladi.

Reyndersning maoshi 1,7 milliondan 3,5 millionga ko‘tariladi, bonuslar esa uning faoliyatiga bevosita bog‘liq bo‘ladi. Niderlandiyalikning amaldagi shartnomasi 2028 yilgacha mo‘ljallangan, biroq klub futbolchini yaxshi o‘yini uchun mukofotlamoqchi.

Yarim himoyachining shartnomasi 2029 yilgacha uzaytiriladi, biroq qo‘shimcha mavsumni kiritish imkoniyatini inkor etib bo‘lmaydi. Ta’kidlanishicha, Teyani va uning rafiqasi «Milan»ni juda yaxshi ko‘rishadi.

Shuningdek, «Milan» va ikkala futbolchi ham shartnomalariga tovon puli bandini kiritmaslikka qaror qilgani ma’lum bo‘ldi.