«Милан» тез орада Майк Меньян ва Тейани Рейндерс билан шартномани узайтиради.

«La Gazette Dello Sport» хабарига кўра, сўнгги ҳафталарда футболчилар билан музокаралар сезиларли даражада тезлашган ва томонлар деярли тўлиқ келишувга эришган. Охирги босқич қолди, унда барча шартлар, жумладан, бонуслар кўрсатилади.

Меньяннинг амалдаги шартномаси 2026 йилнинг июнида тугайди. Дарвозабоннинг янги шартномаси 2029 йилгача мўлжалланган бўлиб, унинг маоши ҳозирги 3,2 дан 5 миллион еврога кўтарилади. Унга бонуслар ҳам қўшилади.

Рейндерснинг маоши 1,7 миллиондан 3,5 миллионга кўтарилади, бонуслар эса унинг фаолиятига бевосита боғлиқ бўлади. Нидерландияликнинг амалдаги шартномаси 2028 йилгача мўлжалланган, бироқ клуб футболчини яхши ўйини учун мукофотламоқчи.

Ярим ҳимоячининг шартномаси 2029 йилгача узайтирилади, бироқ қўшимча мавсумни киритиш имкониятини инкор этиб бўлмайди. Таъкидланишича, Тейани ва унинг рафиқаси «Милан»ни жуда яхши кўришади.

Шунингдек, «Милан» ва иккала футболчи ҳам шартномаларига товон пули бандини киритмасликка қарор қилгани маълум бўлди.