Mashhur Braziliya terma jamoasining sobiq futbolchisi Ronaldinyo The Best marosimida Vinisius Juniorning g‘alabasi haqida fikr bildirdi.
"Real Madrid" hujumchisi FIFA talqiniga ko‘ra o‘tgan mavsumning eng yaxshi futbolchisi deb topildi.
"Tabriklayman Vini, siz ikki yil davomida braziliyaliklar uchun o‘lchov bo‘ldingiz va bunga chindan ham munosibsiz. Doim tabassum qiling va minglab yoshlarning futboldagi orzulari va karyerasiga ishonishlariga yordam bering.
Har kuni qancha kuch sarflayotganingizni, qanchalik professional ekanligingizni yoshligingizdan bilaman. Tabriklayman do‘stim, siz bu muvaffaqiyatni munosib nishonlashingiz mumkin, chunki bunday yutuqqa kam odam erishadi. Bu mukofot tarixda qoladi va xotirada qoladi", — deb yozdi Ronaldinyo ijtimoiy tarmoqlarda.
