Машҳур Бразилия терма жамоасининг собиқ футболчиси Роналдиньо The Best маросимида Винисиус Жуниорнинг ғалабаси ҳақида фикр билдирди.
"Реал Мадрид" ҳужумчиси ФИФА талқинига кўра ўтган мавсумнинг энг яхши футболчиси деб топилди.
"Табриклайман Вини, сиз икки йил давомида бразилияликлар учун ўлчов бўлдингиз ва бунга чиндан ҳам муносибсиз. Доим табассум қилинг ва минглаб ёшларнинг футболдаги орзулари ва карьерасига ишонишларига ёрдам беринг.
Ҳар куни қанча куч сарфлаётганингизни, қанчалик профессионал эканлигингизни ёшлигингиздан биламан. Табриклайман дўстим, сиз бу муваффақиятни муносиб нишонлашингиз мумкин, чунки бундай ютуққа кам одам эришади. Бу мукофот тарихда қолади ва хотирада қолади", — деб ёзди Роналдиньо ижтимоий тармоқларда.
