«Tottenxem» bosh murabbiyi Ange Postekoglu «Manchester Yunayted»dan Markus Reshfordning transferi haqidagi savolga javob berdi. Angliyalik futbolchi avvalroq faoliyatida yangi chaqiriqlarga ochiq ekanini aytgan edi.
«Siz mendan Markus va Premyer-ligadagi boshqa o‘yinchilar haqida ham so‘rashingiz mumkin, mening javobim bir xil bo‘ladi. Uning nima degani menga qiziq emas. U «Manchester Yunayted» futbolchisi, juda yaxshi futbolchi. Ularning safida ko‘plab yaxshi o‘yinchilar bor. Lekin men futbolchilarimni boshqa murabbiylar kabi tayyorlayman. Men Reshfordning holatini o‘rganishni istamayman», dedi Postekoglu matbuot anjumanida.
