«Тоттенхэм» бош мураббийи Анге Постекоглу «Манчестер Юнайтед»дан Маркус Рэшфорднинг трансфери ҳақидаги саволга жавоб берди. Англиялик футболчи аввалроқ фаолиятида янги чақириқларга очиқ эканини айтган эди.
«Сиз мендан Маркус ва Премьер-лигадаги бошқа ўйинчилар ҳақида ҳам сўрашингиз мумкин, менинг жавобим бир хил бўлади. Унинг нима дегани менга қизиқ эмас. У «Манчестер Юнайтед» футболчиси, жуда яхши футболчи. Уларнинг сафида кўплаб яхши ўйинчилар бор. Лекин мен футболчиларимни бошқа мураббийлар каби тайёрлайман. Мен Рэшфорднинг ҳолатини ўрганишни истамайман», деди Постекоглу матбуот анжуманида.
