«Udineze» markaziy himoyachisi Yaka Biyol faoliyatini «Inter»da davom ettirishi mumkin. Bu haqda jurnalist Rudi Galetti xabar berdi.

Manbaning xabariga ko‘ra, «Inter» 25 yoshli sloveniyalikning transferi ustida faol ishlamoqda va shartnomani yanvar oyidayoq yakunlash niyatida.

«Fiorentina», «Napoli» va «Shtutgart» klublari «Udineze»dan Biyol bo‘yicha yangi ma’lumot so‘ragani aytilmoqda, ammo hozirda «Inter» himoyachiga eng yaqin bo‘lib turibdi, u oktyabr oyidan beri sloveniyalikning vakillari bilan aloqada.

«Transfermarkt» ma’lumotlariga ko‘ra, Biyolning narxi 18 million yevroga teng.