«Удинезе» марказий ҳимоячиси Яка Бийол фаолиятини «Интер»да давом эттириши мумкин. Бу ҳақда журналист Руди Галетти хабар берди.
Манбанинг хабарига кўра, «Интер» 25 ёшли словенияликнинг трансфери устида фаол ишламоқда ва шартномани январь ойидаёқ якунлаш ниятида.
«Фиорентина», «Наполи» ва «Штутгарт» клублари «Удинезе»дан Бийол бўйича янги маълумот сўрагани айтилмоқда, аммо ҳозирда «Интер» ҳимоячига энг яқин бўлиб турибди, у октябрь ойидан бери словенияликнинг вакиллари билан алоқада.
«Transfermarkt» маълумотларига кўра, Бийолнинг нархи 18 миллион еврога тенг.
