Ispaniya La Ligasi dekabr oyining eng yaxshi murabbiyi sovriniga nomzodlarni aniqladi. Sovrin uchun uchta nomzod bor: «Atletiko»dan Diyego Simeone, «Atletik»dan Ernesto Valverde va «Las-Palmas»dan Diyego Martines.

Qizig‘i shundaki, Ispaniya chempionatida da’vogarlar oyning barcha o‘yinlari yakunlanmay turib tanlab olindi. Shu hafta oxirida La Liga taqvimi doirasida navbatdagi o‘yinlar bo‘lib o‘tadi.

Ayni damda «Barselona» Ispaniya chempionati turnir jadvalida birinchi o‘rinda bormoqda (18 o‘yinda 38 ochko). Ikkinchi o‘rinda «Atletiko» (17 uchrashuvda 38 ochko), «Real» uchinchi (17 uchrashuvda 37 ochko) joylashgan.