Испания Ла Лигаси декабрь ойининг энг яхши мураббийи совринига номзодларни аниқлади. Соврин учун учта номзод бор: «Атлетико»дан Диего Симеоне, «Атлетик»дан Эрнесто Вальверде ва «Лас-Пальмас»дан Диего Мартинес.
Қизиғи шундаки, Испания чемпионатида даъвогарлар ойнинг барча ўйинлари якунланмай туриб танлаб олинди. Шу ҳафта охирида Ла Лига тақвими доирасида навбатдаги ўйинлар бўлиб ўтади.
Айни дамда «Барселона» Испания чемпионати турнир жадвалида биринчи ўринда бормоқда (18 ўйинда 38 очко). Иккинчи ўринда «Атлетико» (17 учрашувда 38 очко), «Реал» учинчи (17 учрашувда 37 очко) жойлашган.
