Hozirda Qit’alararo Kubokning final uchrashuvi bo‘lib o‘tmoqda va kubok uchun Ispaniyaning «Real» va Meksikaning «Pachuka» klublari o‘rtasida kurash olib bormoqda. Hisob birinchi bo‘lim oxiriga yaqinroq - 37-daqiqada ochildi. Golga Kilian Mbappe mualliflik qildi, Vinisius Junior assistentlik qildi.
«Opta» statistiklarining ta’kidlashicha, Kilian Mbappe klub va mamlakat terma jamoasi uchun so‘nggi yetti finalida sakkizta gol urgan. Mbappening sakkiz golidan to‘rttasi Qatardagi «Lusail» stadionida bo‘lib o‘tgan ikki final uchrashuvida kiritilgan.
Bundan roppa-rosa ikki yil avval, 2022 yilning 18 dekabrida Mbappe aynan shu stadionda Argentinaga qarshi o‘tkazilgan Jahon chempionati finalida xet-trik qayd etgandi. Biroq Fransiya penaltilar seriyasida mag‘lub bo‘ldi.
