Ҳозирда Қитъалараро Кубокнинг финал учрашуви бўлиб ўтмоқда ва кубок учун Испаниянинг «Реал» ва Мексиканинг «Пачука» клублари ўртасида кураш олиб бормоқда. Ҳисоб биринчи бўлим охирига яқинроқ - 37-дақиқада очилди. Голга Килиан Мбаппе муаллифлик қилди, Винисиус Жуниор ассистентлик қилди.
«Opta» статистикларининг таъкидлашича, Килиан Мбаппе клуб ва мамлакат терма жамоаси учун сўнгги етти финалида саккизта гол урган. Мбаппенинг саккиз голидан тўрттаси Қатардаги «Лусаил» стадионида бўлиб ўтган икки финал учрашувида киритилган.
Бундан роппа-роса икки йил аввал, 2022 йилнинг 18 декабрида Мбаппе айнан шу стадионда Аргентинага қарши ўтказилган Жаҳон чемпионати финалида хет-трик қайд этганди. Бироқ Франция пенальтилар сериясида мағлуб бўлди.
