Madridning “Real” klubi yarim himoyachisi Federiko Valverde jamoasining Qit’alararo kubok finalida “Pachuka” ustidan qozonilgan g‘alabasi (3:0) haqida gapirdi.

Ispaniya grandi Kilian Mbappe, Rodrigo va Vinisius Juniorning gollari evaziga g‘alaba qozondi.

"Bu – "Real Madrid", biz sovrinlarni yutamiz va har doim hamma turnirlarda o‘zimizni yaxshi ko‘rsatamiz, garchi hammasi doim ham a’lo darajada bo‘lmasa ham.

Menga bu klubda o‘ynash va uni qo‘llab-quvvatlayotganlarni xursand qilish yoqadi. “Real Madrid”da jamoadoshlarim bilan birga butun qalbim va jonim bilan o‘ynayman.

Uzoq parvozdan so‘ng bugun qiyin o‘yin bo‘lishini bilardik. Ammo biz raqibning rejasini tushundik", - deya Valverdening so‘zlarini keltiradi Madrid Universal.