Albaniyaning Tirana shahrida Islom birdamligi sport assosiasiyasi (ISSA)ning Sessiyasi o‘tkazilayotgani haqida ma’lum qilgan edik. Uning doirasidagi 13-Bosh Assambleyada o‘zbek sporti uchun muhim kelishuvlardan biriga erishildi.
Unga ko‘ra, o‘zbek kurashi 2025 yil Saudiya Arabistonida o‘tkaziladigan Islom birdamligi o‘yinlari dasturiga kiritildi. Bu haqida Xalqaro kurash assosiasiyasi ma’lum qildi. Tadbir doirasida Xalqaro kurash assosiasiyasi va Islom birdamligi sport assosiasiyasi rahbariyati uchrashib, o‘zaro hamkorlikning keyingi bosqichlari haqida qator masalalar muhokama qilindi.
Eslatib o‘tamiz, Ar-Riyod-2025 Islom birdamligi o‘yinlari kelasi yilning 7-21 noyabr kunlari bo‘lib o‘tadi.
