"Fenerbaxche" bosh murabbiyi Joze Mourinyo shoshilinch operasiya qilinishi kerakligi haqidagi mish-mishlarga javob berdi.

"Mendan xavotir bildirganlar uchun shuni aytishim mumkinki, mening operasiyam haqidagi xabarlar juda bo‘rttirilgan. Bu shunchaki tez va kichik prosedura. Men har doimgidek ta’tildan keyingi birinchi kuni mashg‘ulotlarni davom ettiraman. 25 yil davomida biror mashg‘ulotni o‘tkazib yubormadim va o‘tkazib yuborish niyatim ham yo‘q", - deb yozadi Mourinyo ijtimoiy tarmoqlardan birida.

Portugaliyalik mutaxassis sog‘lig‘i bilan bog‘liq muammolar tufayli xorijda jarrohlik amaliyotini o‘tkazishi avvalroq xabar qilingandi.