"Фенербахче" бош мураббийи Жозе Моуриньо шошилинч операция қилиниши кераклиги ҳақидаги миш-мишларга жавоб берди.
"Мендан хавотир билдирганлар учун шуни айтишим мумкинки, менинг операциям ҳақидаги хабарлар жуда бўрттирилган. Бу шунчаки тез ва кичик процедура. Мен ҳар доимгидек таътилдан кейинги биринчи куни машғулотларни давом эттираман. 25 йил давомида бирор машғулотни ўтказиб юбормадим ва ўтказиб юбориш ниятим ҳам йўқ", - деб ёзади Моуриньо ижтимоий тармоқлардан бирида.
Португалиялик мутахассис соғлиғи билан боғлиқ муаммолар туфайли хорижда жарроҳлик амалиётини ўтказиши аввалроқ хабар қилинганди.
