"Milan"ning chap qanot himoyachisi Teo Ernandes faoliyatini "Real"da davom ettirishi mumkin. Bu haqda TEAMtalk xabar bermoqda.
Manbaga ko‘ra, "Real" o‘ng qanot himoyachisi pozisiyasidan tashqari himoyaning chap qanotini ham kuchaytirmoqchi. Ta’kidlanishicha, 27 yoshli Ernandes kuchayish variantlaridan biri hisoblanadi. "Milan" fransiyalik futbolchi bilan shartnomani uzaytirishni muhokama qilmoqda, biroq klub munosib taklif bo‘lsa, o‘z futbolchisini qo‘yib yuborishga tayyor, deya ta’kidladi manba.
2019 yilda "Milan" Ernandesni "Real"dan 22,8 million yevro evaziga sotib olgandi. Joriy mavsumda himoyachi barcha musobaqalarda 19 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
