Parij klubi vinger Marko Asensioni sotishi mumkinligini tan oldi. 28 yoshli futbolchi parijliklarning asosiy tarkibidagi o‘rnini yo‘qotdi, shu sababli uning klubda qolishi yana dolzarb bo‘lib qoldi.
Le Parisien xabariga ko‘ra, "PSJ" yanvar oyida Asensio bo‘yicha takliflarni ko‘rib chiqishga tayyor. Liga 1 klubi ispaniyalikni sotuvga qo‘ymaydi, lekin agar u ketish istagini bildirsa, uning ketishiga to‘sqinlik qilmaydi.
Marko Asensio 2023 yilning iyul oyida "Real"dan erkin agent sifatida "PSJ"ga o‘tgan edi. Transfermarkt portali futbolchining narxini 20 million yevroga baholagan.
