"Yuventus" hujumchisi Dushan Vlaxovichning atrofidagilar qishki transfer oynasi yakunida klub vakillari bilan yangi shartnoma bo‘yicha muzokaralar olib borishadi, deb xabar beradi Tutto Juve Sky Sport nashriga tayanib.
Manbaga ko‘ra, Turin klubi 24 yoshli serbiyalik hujumchiga futbolchining maoshini uzoqroq muddatga taqsimlash imkonini beruvchi yangi shartnoma taklif qilgan.
Bu variant futbolchi uchun ma’qul emasdek. Shunday ekan, ayni damda tomonlar o‘rtasida yangi shartnoma imzolanish imkoniyati pastdek ko‘rinadi.
Vlaxovichning "Yuventus" bilan amaldagi shartnomasi 2026 yilning yozida yakuniga yetadi.
Oldinroq "Arsenal" serbni transfer qilish imkoniyatini ko‘rib chiqayotgani haqida ma’lumotlar paydo bo‘lgandi.
