"Ювентус" ҳужумчиси Душан Влаховичнинг атрофидагилар қишки трансфер ойнаси якунида клуб вакиллари билан янги шартнома бўйича музокаралар олиб боришади, деб хабар беради Tutto Juve Sky Sport нашрига таяниб.
Манбага кўра, Турин клуби 24 ёшли сербиялик ҳужумчига футболчининг маошини узоқроқ муддатга тақсимлаш имконини берувчи янги шартнома таклиф қилган.
Бу вариант футболчи учун маъқул эмасдек. Шундай экан, айни дамда томонлар ўртасида янги шартнома имзоланиш имконияти пастдек кўринади.
Влаховичнинг "Ювентус" билан амалдаги шартномаси 2026 йилнинг ёзида якунига етади.
Олдинроқ "Арсенал" сербни трансфер қилиш имкониятини кўриб чиқаётгани ҳақида маълумотлар пайдо бўлганди.
