"Barselona" yarim himoyachisi Dani Olmo Kataloniya klubiga o‘tish u uchun oson qaror bo‘lganini aytdi.

"Bu yil juda o‘zgacha bo‘ldi, lekin bu hali boshlanishi. Men hali oldinda ko‘p ish borligini his qilyapman. "Barselona" va terma jamoa bilan chempionlikni qo‘lga kiritmoqchiman.

Boshqa variantlar ham bor edi, lekin “Barselona” bu taklif bilan chiqqanida, ikkilanmadim. Uyga oilam va do‘stlarim bag‘riga qaytish mening orzum edi va men bunga erishdim. "Kamp Nou"da Frenki de Yong, Robert Levandovski yoki Ronald Arauxo kabi futbolchilar bilan o‘ynash imkoniyatiga ega bo‘lish ajoyib.

Bizda ajoyib jamoa bor va biz muxlislarimizga katta quvonch keltiramiz degan umiddamiz. Men Fermin va Gavini bilardim, ular juda yosh edi va asosiy tarkibga kirish imkoniyati ularning har biri uchun alohida voqea edi.

Xans-Diter Flik meni Bundesligadan juda yaxshi biladi, chunki biz u yerda bir-birimizga qarshi o‘ynaganmiz. Men qayerda bo‘lmasin, doim bor kuchimni berishga harakat qilaman", - deya Olmo so‘zlarini keltirmoqda Mundo Deportivo.

Joriy mavsumda 26 yoshli ispaniyalik barcha turnirlarda 15 ta uchrashuvda qatnashib, 6 ta gol va 1 ta golli uzatmani amalga oshirdi.