Leverkuzenning "Bayer" klubi markaziy himoyachisi Jonatan Ta "Barselona"ga o‘tishga yaqin turibdi.
Avvalroq ma’lum bo‘lganidek, Kataloniya klubi va 28 yoshli futbolchi o‘rtasidagi muzokaralar yuqori bosqichga chiqqan. Agar shartnoma imzolansa, u yozda erkin agent sifatida "blaugrana"ga o‘tadi. Diario Sport nashrining yangilangan xabariga ko‘ra, nemis futbolchisi yanvar oyidan kechiktirmay "Barselona"ga yakuniy javobni berishi kutilmoqda.
Jonatan Taga "Bavariya" va Angliya Premyer-ligasi klublari ham qiziqish bildirishgan. Markaziy himoyachi 2015 yilda "Gamburg"dan kelganidan beri "Bayer" uchun barcha musobaqalarda 378 ta o‘yinda 16 ta gol urdi.
