Respublika Olimpiya va Paralimpiya sport turlariga tayyorlash markazida yil yakunlari munosabati bilan muassasadagi eng yaxshi murabbiy va o‘quvchilarni taqdirlash marosimi o‘tkazildi. Tadbirda Sport vazirligi va Milliy paralimpiya qo‘mitasi rahbariyati ishtirok etdi.
Unga ko‘ra, Paralimpiya yo‘nalishida quyidagilar e’tirof etildi:
“Yilning eng yaxshi Paralimpiya murabbiyi” - Furqat Reyimbayev (para pauyerlifting);
“Yilning eng yaxshi erkak para sportchisi” – Islomjon To‘xtaboyev (para dzyudo);
“Yilning eng yaxshi ayol para sportchisi” – Ruhshona O‘ktamova (para pauyerlifting).
Shuningdek, Milliy paralimpiya qo‘mitasi matbuot kotibi Malika Murodova Markaz faoliyatini ommaviy axborot vositalarida keng yoritib kelayotgani uchun “Yil hamkori” nominasiyasida e’tirof etildi.
