“Manchester Siti” bosh murabbiyi Hosep Gvardiola jamoaning APLda g‘olib bo‘lish imkoniyatlari yo‘qligini ma’lum qildi.

“Biz 90 daqiqa davomida yuqori darajada o‘ynay olmaymiz va bugun buni yana bir bor isbotladik. Hozirda ijobiy natijalar orqali muammoalarimizni hal qilishimiz kerak. Biz Premyer ligada g‘olib bo‘lishdan ancha yiroqdamiz. Bizning imkoniyatlarimiz yo‘qligini tan olamiz. Ammo bizning boshqa maqsadlarimiz bor: Angliya Kubogi, top-4 ga kirish. O‘yinlardagi g‘alabalar bizga yordam beradi”, deya Gvardiolaning so‘zlarini keltiradi ESPN.

APL 19-turidan o‘rin olgan “Lester”ga qarshi safar uchrashuvida Gvardiola shogirdlari Savio va Holandning goli evaziga g‘alaba qozondi.

“Manchester Siti” APL turnir jadvalida 31 ochko to‘plab, 5-o‘rinda joylashgan. Gvardiola shogirdlari navbatdagi turda 4 yanvar kuni “Vest Hem” bilan o‘ynaydi.