Viktor Font Dani Olmo bilan bog‘liq vaziyat yuzasidan "Barselona" rahbariyatini tanqid qildi.
Eslatib o‘tamiz, klub Olmo va Pau Viktorni mavsumning ikkinchi qismi uchun La Ligada ro‘yxatdan o‘tkaza olmadi.
Xabar qilinishicha, "Barselona" shu haftada futbolchilarni ro‘yxatdan o‘tkazishni yakunlashni kutmoqda.
“Biz ushbu vaziyatning halokatli sport, iqtisodiy va institusional oqibatlaridan xavotirdamiz.
Natijada, 4 oy oldin 55 million yevro evaziga shartnoma imzolagan futbolchini yo‘qotishimiz mumkin – ko‘rib turganimizdek, u rahbariyatning improvizasiyaga to‘la va mutlaqo professionallik yo‘qligi tufayli ketishi mumkin.
"Barsa" rahbarining o‘zini bunday tutishi va bunday imidj yaratishini qabul qilib bo‘lmaydi. Shuning uchun biz rahbariyatdan va prezident Joan Laportadan zudlik bilan tushuntirishlar va ko‘rilgan choralar va ularning oqibatlari haqida batafsil tavsifini talab qilamiz", dedi "Barselona" prezidentligiga sobiq nomzod.
