"Roma" va O‘zbekiston milliy jamoasi hujumchisi Eldor Shomurodov "Venesiya" tomonidan jamoani qutqarish rejasi doirasida tanlangan nomzod bo‘lishi mumkin.

Faqat maydonda emas, transfer bozorida ham raqobat qizg‘in. Shanba kuni soat 15:00 da bo‘ladigan o‘yin ikki jamoa – "Venesiya" va "Empoli" uchun mavsumning ikkinchi qismida jamoani A seriyada saqlab qolish yo‘lida muhim nuqta bo‘lishi mumkin. 2025 yil kirib kelar ekan, ushbu jamoalar nafaqat maydonda, balki qishki transfer bozorida ham raqobatlashmoqda. Ular "Roma"dan ketishi kutilayotgan Eldor Shomurodovning transferini qo‘lga kiritish uchun kurashmoqda.

Il Messaggero nashrining ma’lum qilishicha, Veneto klubi 30 yoshli o‘zbek futbolchisi uchun rasman kurashga kirishgan va "Roma" bilan muzokaralarni boshlagan. Bu orqali "Venesiya" "Empoli"dan oldinroq harakat qilishga intilayapti.

Shomurodovning 2026 yil 30 iyunida tugaydigan shartnomasi uni yarim yillik ijaraga olish imkonini berishi mumkin. Keyinchalik "Roma" bilan uni to‘liq sotib olish shartlari qayta muhokama qilinishi mumkin. Bu narxning pasaytirilishiga xizmat qiladi, chunki Shomurodov "Roma"da asosiy tarkibda ko‘p o‘ynamadi.

Eldor mavsum-2020/2024da "Kalyari" safida o‘ynagan. Klaudio Ranyeri qo‘li ostida unga ishonch bildirilishi kutilgan bo‘lsa-da, Dibalaning jamoaga qaytishi va kuchli raqobat uning imkoniyatlarini kamaytirdi.

Endi "Venesiya"ning harakati hal qiluvchi ahamiyat kasb etishi mumkin. Ular Shomurodovni poytaxtdan olib ketib, jamoani A seriyada saqlab qolish yo‘lida tarkibga tajriba va sifat qo‘shishga intilmoqda.