"Barselona" muxlislar uyushmasi yarim himoyachi Dani Olmo va hujumchi Pau Viktorni ro‘yxatdan o‘tkazish bilan bog‘liq muammolar tufayli klub prezidenti Joan Laportaning iste’fosini talab qildi.
"2024 yilning so‘nggi soatlarida boshimizdan kechirganimiz shuni ko‘rsatadiki, klub rahbariyatiga bo‘lgan ishonch butunlay buzildi.
Noprofessional va tartibsiz boshqaruv asosiy jamoaning sport natijalariga ta’sir qila boshlaydi, biz ikki muhim futbolchini yo‘qotishimiz mumkin.
Shu sababdan biz prezident va direktorlar kengashining iste’fosini talab qilamiz, shuningdek, “Barsa” muxlislarini faollikka, vaziyatni o‘zgartirishga va o‘z ovozlarini baralla chiqarishga chaqiramiz", deyiladi X (sobiq) ijtimoiy tarmog‘ida e’lon qilingan rasmiy bayonotda.
