Angliyaning "Plimut" klubi klub haqida hujjatli film yaratishdan bosh tortdi, deb xabar bermoqda The Guardian nashri.
Avvalroq, Ueyn Runi boshchiligida klubning Chempionshipda jon saqlab qolishi haqida film suratga olish rejalashtirilgan edi. Kadrlar Netflix yoki Amazonga sotilishi rejalashtirilgandi.
Biroq angliyalik murabbiy ishdan bo‘shatilgach, bu rejalardan voz kechildi. Taxminlarga ko‘ra, bu Runining g‘oyasi bo‘lgan.
Qolaversa, klub rahbariyati bu suratga olish ishlaridan norozi bo‘lib, bu futbolchilarni mashg‘ulot jarayonidan chalg‘itadi, deb hisoblagan.
Eslatib o‘tamiz, Runi qo‘l ostida "Plimut" 14 ta o‘yindan faqat bittasida g‘alaba qozonib, ligada so‘nggi o‘ringa tushib qolgandi.
