"Manchester Yunayted" hujumchisi Markus Reshfordning "Barselona"ga o‘tish ehtimoli hozirda nolga teng. Bu haqda Relevo xabar bermoqda.

Manbaga ko‘ra, Reshfordning "Barselona"ga o‘tishi haqidagi ko‘plab mish-mishlarga qaramay, bu transfer amalga oshmay qolish ehtimoli katta. Qayd etilishicha, "Manchester Yunayted" yaqinda "Milan" bilan hujumchining transferi borasida muzokaralar olib borgan.

Joriy mavsumda Reshford barcha musobaqalarda 24 ta o‘yinda qatnashib, 7 ta gol va 3 ta golli uzatmani amalga oshirdi. Futbolchining klub bilan amaldagi mehnat shartnomasi 2028 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 55 million yevroni tashkil qiladi.