"Манчестер Юнайтед" ҳужумчиси Маркус Рэшфорднинг "Барселона"га ўтиш эҳтимоли ҳозирда нолга тенг. Бу ҳақда Relevo хабар бермоқда.
Манбага кўра, Рэшфорднинг "Барселона"га ўтиши ҳақидаги кўплаб миш-мишларга қарамай, бу трансфер амалга ошмай қолиш эҳтимоли катта. Қайд этилишича, "Манчестер Юнайтед" яқинда "Милан" билан ҳужумчининг трансфери борасида музокаралар олиб борган.
Жорий мавсумда Рэшфорд барча мусобақаларда 24 та ўйинда қатнашиб, 7 та гол ва 3 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
