"Manchester Siti" bosh murabbiyi Xosep Gvardiola jamoasining so‘nggi o‘yinlardagi o‘yin darajasiga baho berdi.
Shanba kuni "shaharliklar" "Vest Xem"ni 4:1 hisobida mag‘lub etishdi. Gvardiola jamoasi avvalgi 13 uchrashuvning faqat bittasida g‘alaba qozongandi.
"Eski "Manchester Siti" qaytdimi? Yo‘q! Buni tushunishingiz kerak, ko‘p yillardan buyon o‘yinlarimizni ko‘rgansiz. Bu daraja emas. Albatta, g‘alabadan xursandman, ijobiy bo‘lish uchun ko‘p sabablar bor, lekin so‘nggi yillardagidek o‘ynayapmizmi, deb so‘rasangiz... Yo‘q, mutlaqo yo‘q!" - dedi Gvardiola "bolg‘achilar" bilan o‘yinda g‘alaba qozonganidan keyin.
