Luis Suares o‘z joniga qasd qilmoqchi bo‘lgan insonni qutqarishda ishtirok etdi.
Ta’tilga chiqqan "Inter Mayami"ning urugvaylik hujumchisi favqulodda vaziyatga guvoh bo‘ldi.
Syudad-de-la-Kosta shahrida 49 yoshli erkak olti metrlik daraxtga chiqib, sherigini ko‘rishga ruxsat berishlarini talab qildi.
Erkak kechasi oiladagi zo‘ravonlik bo‘limiga qo‘ng‘iroq qilib, niyatini bildirgan, so‘ng qo‘l telefonidan qutulib, yetib borish qiyin bo‘lgan daraxtga chiqib ketgan. Uning ovqati ham, suvi ham yo‘q, bir necha quti sigaret bor edi.
El Observador nashrining yozishicha, erkak o‘z joniga qasd qilish bilan ko‘pchilikka xabar bergan. Bo‘yniga arqon bog‘lab olgan.
Voqeadan xabar topgan Luis Suares yaqinlashib, erkakni fikridan qaytarishga harakat qilgan. Voqea joyida tez psixo-ijtimoiy yordam guruhi, prokuratura, Respublika gvardiyasi vakillari va prefektura xodimlari ishlagan.
Daraxt tepasida 18 soat o‘tgach, odam pastga tushishga rozi bo‘ldi. Endi u psixiatrik tekshiruvga yuboriladi.
