Луис Суарес ўз жонига қасд қилмоқчи бўлган инсонни қутқаришда иштирок этди.
Таътилга чиққан "Интер Майами"нинг уругвайлик ҳужумчиси фавқулодда вазиятга гувоҳ бўлди.
Сьюдад-де-ла-Коста шаҳрида 49 ёшли эркак олти метрлик дарахтга чиқиб, шифохонадаги шеригини кўришга рухсат беришларини талаб қилди.
Эркак кечаси оиладаги зўравонлик бўлимига қўнғироқ қилиб, ниятини билдирган, сўнг қўл телефонини улоқтириб, етиб бориш қийин бўлган дарахтга чиқиб кетган. Унинг овқати ҳам, суви ҳам йўқ, бир неча қути сигарет бор эди.
El Observador нашрининг ёзишича, эркак ўз жонига қасд қилиш билан кўпчиликка хабар берган. Бўйнига арқон боғлаб олган.
Воқеадан хабар топган Луис Суарес яқинлашиб, эркакни фикридан қайтаришга ҳаракат қилган. Воқеа жойида тез психо-ижтимоий ёрдам гуруҳи, прокуратура, Республика гвардияси вакиллари ва префектура ходимлари ишлаган.
Дарахт тепасида 18 соат ўтгач, одам пастга тушишга рози бўлди. Энди у психиатрик текширувга юборилади.
