Madridning “Real” klubi hujumchisi Kilian Mbappe ambisiyali bayonot bilan chiqdi. Futbolchi o‘zi va butun jamoa a’lo formada ekanligini ta’kidladi. Fransuzning fikricha, "Real" bu mavsumda hamma narsani yutishi kerak.

"Jamoa va men yaxshi holatdamiz. Yilni juda yaxshi boshladik. Umid qilamizki, biz g‘alaba qozonamiz va yaxshi futbol o‘ynay olamiz. O‘yinlar ko‘p, ammo, ular "Real"da aytganidek, biz hamma narsani yutishimiz kerak va buning uchun kurashamiz", - deya Mbappening so‘zlarini keltiradi "Real" sayti.

Mbappe dekabr oyida "Real Madrid"ning eng yaxshi futbolchisi deb tan olingandi. 6 uchrashuvda u 5 ta gol urdi va 2 ta golli uzatmani amalga oshirdi.