Мадриднинг “Реал” клуби ҳужумчиси Килиан Мбаппе амбицияли баёнот билан чиқди. Футболчи ўзи ва бутун жамоа аъло формада эканлигини таъкидлади. Французнинг фикрича, "Реал" бу мавсумда ҳамма нарсани ютиши керак.
"Жамоа ва мен яхши ҳолатдамиз. Йилни жуда яхши бошладик. Умид қиламизки, биз ғалаба қозонамиз ва яхши футбол ўйнай оламиз. Ўйинлар кўп, аммо, улар "Реал"да айтганидек, биз ҳамма нарсани ютишимиз керак ва бунинг учун курашамиз", - дея Мбаппенинг сўзларини келтиради "Реал" сайти.
Мбаппе декабрь ойида "Реал Мадрид"нинг энг яхши футболчиси деб тан олинганди. 6 учрашувда у 5 та гол урди ва 2 та голли узатмани амалга оширди.
