Saudiyaning "An-Nasr" klubining hujumkor yarim himoyachisi Anderson Taliska tez orada Turkiyaning "Fenerbaxche" klubi futbolchisiga aylanadi. Bu haqda insayder Fabrisio Romano xabar bermoqda.
Manbaning xabariga ko‘ra, klublar shu haftada 30 yoshli yarim himoyachining transferini to‘liq yopishni rejalashtirishgan. Manbaning ta’kidlashicha, faqat bir nechta tafsilotlarni kelishib olishlari kerak.
2024/25 yilgi mavsumda braziliyalik futbolchi barcha turnirlarni hisobga olgan holda 19 uchrashuvda maydonga tushdi va sakkizta gol urdi. Transfermarkt portaliga ko‘ra, Taliskaning bozor narxi 12 million yevroni tashkil qiladi. Aytish joizki, Taliska 2019 yildan beri Yevropada o‘ynamayapti.
