Саудиянинг "Ан-Наср" клубининг ҳужумкор ярим ҳимоячиси Андерсон Талиска тез орада Туркиянинг "Фенербахче" клуби футболчисига айланади. Бу ҳақда инсайдер Фабрицио Романо хабар бермоқда.
Манбанинг хабарига кўра, клублар шу ҳафтада 30 ёшли ярим ҳимоячининг трансферини тўлиқ ёпишни режалаштиришган. Манбанинг таъкидлашича, фақат бир нечта тафсилотларни келишиб олишлари керак.
2024/25 йилги мавсумда бразилиялик футболчи барча турнирларни ҳисобга олган ҳолда 19 учрашувда майдонга тушди ва саккизта гол урди. Transfermarkt порталига кўра, Талисканинг бозор нархи 12 миллион еврони ташкил қилади. Айтиш жоизки, Талиска 2019 йилдан бери Европада ўйнамаяпти.
