Yarimo‘rta vazn toifasida IBF chempioni Jeyron Ennis (33-0, 29 KO) hamda WBA chempioni Eymantas Stanionis (15-0, 9 KO) o‘zaro jang qilish bo‘yicha muzokara o‘tkazmoqda.
"Umid qilamanki, biz kelishuvni muvaffaqiyatli yakunlay olamiz", deya vaziyatga munosabat bildirgan Ennisning promouteri Eddi Xirn.
2022 yildan beri Stanionis bor-yo‘g‘i ikki marta ringga chiqqan. Uning WBA kamari uchun hamyurtimiz Shahram G‘iyosov majburiy da’vogar sanaladi. Tashkilot bokschilar o‘rtasidagi jangga rasman buyruq bergan va ikki tomon jang bo‘yicha muzokara olib borayotgandi.
Qizig‘i, Eddi Xirn bir paytning o‘zida Shahram G‘iyosovning ham promouteri hisoblanadi.
