Angliyaning "Bornmut" klubi va Ukraina terma jamoasi himoyachisi Ilya Zabarniy "PSJ"ga o‘tishdan bosh tortdi. Bunga parijliklar safida rossiyalik Matvey Safonovning borligi sabab bo‘ldi, deb xabar beradi L'Equipe nashri.

Manbaga ko‘ra, "PSJ" bosh murabbiyi Luis Enrike shaxsan o‘zi Zabarniy bilan shartnoma imzolashni yoqlagan. Biroq ukrainalik futbolchi rossiyalik posbon bilan bir jamoada o‘ynashni istamayapti.

Ilgari Zabarniy Rossiya va Ukraina o‘rtasidagi siyosiy mojaro fonida bir necha bor baland ovozda bayonotlar bergan. Uning bayonotlarida Rossiya Federasiyasiga nisbatan salbiy xabar bor edi.

Eslatib o‘tamiz, OAV Zabarniyni “Real” bilan ham bog‘lagan edi. Transfermarkt 22 yoshli ukrainalik futbolchining bozor narxini 38 million yevroga baholamoqda.