Англиянинг "Борнмут" клуби ва Украина терма жамоаси ҳимоячиси Илья Забарний "ПСЖ"га ўтишдан бош тортди. Бунга парижликлар сафида россиялик Матвей Сафоновнинг борлиги сабаб бўлди, деб хабар беради L'Equipe нашри.
Манбага кўра, "ПСЖ" бош мураббийи Луис Энрике шахсан ўзи Забарний билан шартнома имзолашни ёқлаган. Бироқ украиналик футболчи россиялик посбон билан бир жамоада ўйнашни истамаяпти.
Илгари Забарний Россия ва Украина ўртасидаги сиёсий можаро фонида бир неча бор баланд овозда баёнотлар берган. Унинг баёнотларида Россия Федерациясига нисбатан салбий хабар бор эди.
Эслатиб ўтамиз, ОАВ Забарнийни “Реал” билан ҳам боғлаган эди. Transfermarkt 22 ёшли украиналик футболчининг бозор нархини 38 миллион еврога баҳоламоқда.
