Angliyada Mikel Artetaning to‘p haqidagi shikoyatlariga izoh berishdi.

Liga kubogi yarim finalida “Nyukasl”dan uchralgan mag‘lubiyatdan so‘ng (0:2) “Arsenal” bosh murabbiyi uning jamoasi Puma to‘plari bilan o‘ynashda qiynalganini aytgandi. 

Angliya futbol ligasi vakili ispaniyalik mutaxassisning gapiga izoh berdi.

“Professional futbolda kutilganidek, joriy mavsumda Liga kubogida Puma to‘pi FIFAning futbol sifati dasturiga muvofiq sinovdan o‘tkazildi va Fifa Quality Pro standartiga javob beradi.

Liga kubogidan tashqari, xuddi shu to‘p Yevropaning boshqa yirik ligalarida, jumladan A Seriya va La Ligada ham muvaffaqiyatli qo‘llanilgan.

"Barcha klublar bir xil to‘p bilan o‘ynashadi va biz bu mavsumda o‘tkazilgan 88 Liga kubogi o‘yinlarining birortasida ham bunday izohlarni olmagandik", dedi liga matbuot kotibi.